Видеода жайылған дастарқаннан түрлі қымбат тағамдар мен сусындарды байқауға болады. Табиғи шырындар, молынан қойылған тәттілер мен "швед үстелі" стиліндегі тағамдар көз тартарлық көрінеді.
"Зүлхиджа айының 8-інен бастап қажылық басталады. Бас мүфтиіміздің бастамасымен Меккеде осындай дастарқан жайылды", – дейді видеодағы отандас қажылардың бірі ризашылық білдіре отырып.
Алайда желі қолданушыларының арасында бұл көріністі сынға алғандар да табылды. Кейбірі: "Арамтамақтар", "Таза насихат", "Сол жақта қалып қойсаңдар екен", "Ысырап жасамаңдар деп өздері не істеп жүргенін қарашы!" сынды пікірлер қалдырған.