Медеуде ұры видеоға түсіп қалды (ВИДЕО)

"Медеу" мұзайдынында ұрылар видеоға түсіп қалды. Бұл туралы Instagram парақшасында "Шымбұлақ" басшысы Ержан Еркінбаев жазды, - деп хабарлайды Тengrinews.kz тілшісі. Қара киім киген ер адам камераға түсіп қалды. Видеодан оның адам лық толы жерде жан-жағына қарап, бір қызға жақындап барып күртесінің қалтасына қолын созғанын көруге болады. Ол қолын бас киімінің астына тығып тұрды. Ер адам бір затты алып шығып, қалтасына салды және телефонын алып, сөйлесе бастады. "Назар аударыңыз! Медеуде ұрылар тобы пайда болды, адамдардың қалтасын тазалайды. Полиция әзірше ұрыларды тапқан жоқ. Қалай ойлайсыздар, таба ала ма?", - деп жазды ол.