24 желтоқсан, 2018
Fashion сарапшылары қыс мерзімінде стильді болу үшін тасбақа маникюрін жасауды ұсынады. Себебі бұл дизайн соңғы айларда маникюр жасауда жоғары сұранысқа ие екен.
Тырнақтағы тасбақа сауытын қайталайтын бояу Instagram желісінде кең тарап, атақты стилистер мен сәнқойлардың парақшаларынан жиі көрінген.
Бейтарап, бірақ іш пыстырмайтын бұл тренд күзде пайда болғанмен, қыс мерзімінің nail-тенденциясына айналып отыр.
Тасбақа маникюрі ықшамды әрі ерекше көрінеді. Ол кез келген стильге келе береді. Ол жиі екі түстен тұрады: сарғыш және қоңыр.
Тасбақа дизайнының өзін және басқа түстермен үйлестіре маникюр жасауға болады. Дағы бар реңкті көк, қара, қою қызыл, сарғыш түстермен де бірге қолдануға болады.
