Төтенше жағдайлар департаментінің мәліметінше, алғашқы оқиға 2 қыркүйек күні сағат 18:36-да Мұнайлы ауданына қарасты Басқұдық ауылында тіркелген.
Ұлан көшесіндегі №20 үйдің қасынан Mitsubishi маркалы жеңіл көлік отқа оранған. Әлеуметтік желіде тараған бейнежазбадан көлік өртенген сәтте жарылысқа ұқсас дыбыстардың шыққаны байқалады. Жанында жүрген ер адам ауладан су шлангісін әкеліп, өрт сөндірушілер келгенше жалынды ауыздықтауға тырысқан. Қайғылы жағдайдың алдын алып, ешкім зардап шеккен жоқ.
Сол күні кешкі сағат 20:46-да Ақтаудың 19-шағынауданында тағы бір өрт туралы хабар түскен. №40 үйдің артында тұрған мопед кенеттен тұтанып кеткен. Қасында бірнеше автокөлік тұрғанымен, олар аман қалған. Өрт сөндірушілер келген сәтте мопед толық жанып кеткені белгілі болды. Абырой болғанда, жалын өздігінен өшкен.
