20 желтоқсан, 2018
Үндістанда леопард тұрғын үйге шабуылдап, үш жастағы баланы өлтіріп, орманға сүйреп әкеткен.
Қайғылы оқиға Үндістанның солтүстігіндегі Джамму және Кашмир штатында болған. Жыртқыш шабуыл жасаған кезде үш жастағы Васим Акрам ас үйде анасымен бірге болған. Леопард анасының көзінше баланы сүйреп алып кеткен. Артынша баланың бассыз мәйіті табылған.
Жергілікті тұрғындардың айтуынша, соңғы екі айда осымен үшінші рет аңдар адамдарға шабуылдаған. Жуырда ғана осы ауданның сегіз жасар баласы құрбан болған. Ресми деректерге сүйенсек, Үндістанды мекендейтін леопардтардың саны қазір 12-14 мың аралығында.
