Бүгін Вашингтон мен Тегеран арасында 60 күндік келіссөздер процесі ресми түрде басталған.
Бұл жайында Францияның Le Monde басылымы АҚШ вице-президенті Джей Ди Вэнске сілтеме жасап хабарлайды.
- Екі ел арасындағы өзара түсіністік туралы меморандумда көрсетілгендей, келіссөздер мерзімі бүгіннен бастап есептеледі. Бұл үдеріс тек АҚШ пен Иранды ғана емес, сондай-ақ Оман, Парсы шығанағы елдері мен халықаралық коалицияны да қамтиды, - дейді басылымға берген пікірінде Вэнс.
Оның айтуынша, тараптар болашақта бұғаздар арқылы өтетін теңіз тасымалдарының тұрақтылығын қамтамасыз ететін ортақ жүйе әзірлеуі тиіс.
- Бұл төлем енгізу жүйесі емес. Мәселе әлемдік экономиканы тұралататын тар өткелдердің енді ешқашан геосаяси қысым құралына айналмауын қамтамасыз ету, - деді Джей Ди Вэнс.
Сондай-ақ, келісім жобасы аясында аймақтағы қауіпсіздік архитектурасын қалыптастыруға Иран, Оман және Парсы шығанағы елдері де тартылып отыр. Келіссөздер негізгі теңіз логистикасына әсер ететін аймақтық тәуекелдерді азайтуға бағытталған.