Бүгін, 14:28
Моңғолия астанасы Ұлан-Батырда өтіп жатқан бокстан Азия чемпионатында Қазақстан құрамасының өкілі Махмұд Сабырхан жүлделі орынға ие болды, деп хабарлайды kznews.kz.
55 келіге дейінгі салмақта өнер көрсеткен қазақстандық боксшы жартылай финалда алаң иесі Билгуунсайхан Хархуумен кездескен.
Тартысты өткен жекпе-жекте екі спортшы да жоғары деңгейде өнер көрсетті. Дегенмен үш раунд қорытындысы бойынша төрешілер бірауыздан 5:0 есебімен моңғолиялық боксшының жеңісін тіркеді.
Осылайша, Махмұд Сабырхан жарысты қола жүлдемен аяқтап, Қазақстан құрамасының қоржынына тағы бір медаль салды.
