14 мамыр, 2025
Астана қалалық полиция департаментінің мәліметінше, ер адам TikTok желісінде “көз тиюді қайтару” және “болашақты болжау” сынды қызметтерін жарнамалаған, деп хабарлайды kznews.kz сайты nur.kz порталына сілтеме жасап.
Тексеру барысында оның екі алаяқтық фактісіне қатысы бар екені анықталды. Соның бірі — “сиқырлы қызмет” көрсетемін деп жәбірленушіден 250 мың теңге алған.
Аталған деректер бойынша қылмыстық іс қозғалып, тергеу басталды.
Полиция қазақстандықтарды “тылсым күшке” сеніп, бейтаныс адамдардың қызметіне жүгінбеуге шақырады.
