Бүгін, 16:30
Петропавлда көшеден тауып алған темекіні шеккен қыз ауыр халде ауруханаға түсті. Біраз уақыттан кейін оның жағдайы күрт нашарлап, қолы дірілдеп, басы айналып, үрей белгілері күшейген, деп хабарлайды kznews.kz.
Дәрігерлер науқасты жедел түрде жансақтау бөліміне жатқызған. Мамандардың айтуынша, қызда улану белгілері анықталған, оның ішінде белгісіз заттардың уытты әсері мен интоксикация синдромы тіркелген.
Науқас бір тәулік реанимацияда болып, кейін тағы бірнеше күн ем қабылдаған. Қазір оның жағдайы тұрақтанып, үйіне шығарылған.
Дәрігерлер тұрғындарға ескерту жасап, көшеден табылған немесе шығу тегі белгісіз заттарды қолдану денсаулыққа аса қауіпті екенін атап өтті.
