Бүгін, 14:11
Үндістанның Харьяна штатында анасы 18 айлық қызын өлтірді деген күдікпен ұсталды, деп хабарлайды kznews.kz NDTV арнасына сілтеме жасап.
Оқиға Фаридабад қаласында болған. 23 сәуір күні екі мектеп оқушысы нөсер суы ағатын канализациядан металл торға ілініп қалған сәбидің денесін тауып алған.
Тергеу нәтижесінде баланың суға тірідей тасталғаны анықталды. Полиция бейнебақылау камералары арқылы күдіктіні анықтаған: кадрларда әйел баласын көтеріп кетіп, аз уақыттан кейін жалғыз қайтып келе жатқаны көрінеді.
Нилам есімді ана ұсталып, кейін өз кінәсін мойындаған. Оның айтуынша, отбасында алты қыз бала болған және ауыр қаржылық жағдайға байланысты ең кішісінен құтылуға шешім қабылдаған.
