Көлсай көлдерінде демалып жүрген 16 жастағы қызды жылан шағып алды, деп хабарлайды kznews.kz.
Оқиға орнына өзге демалушылар құтқарушыларды шақырған. Мамандар зардап шеккен жасөспірімге алғашқы медициналық көмек көрсетіп, кейін оны медициналық мекемеге жеткізді.
Төтенше жағдайлар министрлігі күннің жылынуына байланысты жыландардың белсенділігі артатынын ескертті. Осыған байланысты табиғат аясында демалғанда белгіленген бағыттан шықпау, аялдайтын орынды мұқият тексеру және бауырымен жорғалаушыларға жақындамау қажет.
Мамандардың айтуынша, жылан шаққан жағдайда дереу медициналық көмекке жүгіну керек.