Әлеуметтік желіде Қазақстанның халық әртісі Роза Рымбаеваның әріптестерінен күтпеген құттықтау алған сәттегі видеосы қызу талқылануда, деп хабарлайды kznews.kz.
Бейнежазбада бір топ әнші Роза Рымбаеваға Жаңа жылға орай ән арнап, жылы лебіз білдіреді. Алайда әншінің «Не болды, қыздар?» деп тосыла жауап беруі желі қолданушыларының назарын аударды.
Кейбірі оның реакциясын салқын деп бағаласа, енді біреулері жағдайдың күтпеген болғанын алға тартты. Пікір қалдырушылар бұл сәтті бұған дейін Мақпал Жүнісоваға жасалған ұқсас құттықтаумен салыстырып, екі өнер иесінің эмоциясын талқылады. Қоғамда пікір екіге жарылып, талқылау әлі де жалғасуда.