Бүгін, 17:50
Атырау облысы Доссор кентінде жол-көлік оқиғасы салдарынан екі кішкентай бала көз жұмды, деп хабарлайды "Ақ Жайық" басылымы.
Алдын ала мәліметтерге сәйкес, апат 26 наурыз күні болған. Toyota Estima мен Opel көліктері соқтығысқан.
2023 жылы туған қыз бала оқиға орнында қаза тапқан. Ал 2021 жылы туған ұл бала облыстық ауруханаға жеткізілгенімен, 30 наурыз күні қайтыс болды. Мәлімет бойынша, бала жерленген.
Балалардың анасы қазіргі уақытта ауруханада ем қабылдап жатыр.
Полиция бұл факті бойынша тергеу амалдарын жүргізіп, апаттың нақты себептерін анықтауда.
Бейресми деректерге сәйкес, қарсы бағыттағы көлікті жасөспірім басқарған болуы мүмкін.
