Бүгін, 12:03
Танымал әнші әрі актриса Жанар Айжанованың қызы Айжұлдыз Адайбекованың отбасындағы көңілді сәт көпшіліктің назарын аударды. Өнер иесі құдасымен әзілдескен видеоны әлеуметтік желідегі парақшасында бөліскен, деп хабарлайды kznews.kz.
Желіде тараған кадрларда Жанар Айжанованың қызының шаңырағына қонаққа барғаны көрінеді. Әнші құдасымен еркін әңгімелесіп, әзілдесіп отырған сәтін көрсеткен. Осы кезде ол құдасына қарап: «Құда, келінге жарыпсыз», – деп қалжыңдаған.
Айжұлдыз Адайбекова да анасының әзіліне қосылып, отбасылық ортадағы көңілді атмосфераны көпшілікке көрсетті. Құдалардың бір-бірімен еркін сөйлесіп, әзіл-қалжыңды жарастыра білуі желі қолданушыларының да назарынан тыс қалмады.
Жазбаға пікір білдіргендердің бірқатары Жанар Айжанова мен құдасының арасындағы сыйластыққа сүйсінген.
«Құдалардың қарым-қатынасы керемет екен», «Жанар апайдың әзілі ерекше», «Құда мен құдағи жақын араласатыны көрініп тұр», «Келінге жарыпсыз дегені күлдірді», «Айжұлдыздың қайынатасы да әзілді жақсы көтереді екен», – деп жазды оқырмандар.
Кейбір желі қолданушылары әншінің қызының отбасымен тығыз араласатынына да назар аударды. Олардың пікірінше, қыздың ата-анасы мен қайын жұртының арасында жылы қарым-қатынастың болғаны қуантады.
«Жанар апай қызының өміріне бейжай қарамайды екен», «Қызының қайын жұртымен жақсы араласқаны қандай жақсы», «Құдалардың осындай әзіл-қалжыңы жарасымды екен», – деген пікірлер де айтылды.
Айта кетейік, Айжұлдыз Адайбекова әлеуметтік желіде отбасы мен жеке өміріне қатысты түрлі сәттерін ара-тұра бөлісіп отырады. Бұл жолы оның парақшасында жарияланған көңілді видео Жанар Айжанованың тапқыр әзілімен көпшіліктің көңілінен шықты.
