Бекет бұл туралы әлеуметтік желідегі парақшасында жазып, сый жасаған ағалары мен бауырына алғыс білдірді.
"Құрмаш аға, Ернұр бауырым, жылқы сыйлағандарыңызға көп рақмет! Ниеттеріңізге Алла разы болсын. Жақсылықтарыңыз өздеріңізге еселеп қайтсын!" – деп жазды ол.
Бекет Қуандық – Каспий теңізіндегі әскери оқу-жаттығу кезінде болған қайғылы жағдайдан аман қалған сарбаздардың бірі.
Бұған дейін ол қаза тапқан қаруластарына арнап көңіл айтып, олардың ерлігі мен жарқын бейнесі жүрегінде мәңгі сақталатынын жазған еді.