Әуе соққылары қаланың орталық, оңтүстік және оңтүстік-батыс бөлігіне жасалған. «Аль-Масира» телеарнасының дерегінше, шабуыл президент сарайы, мемлекеттік мұнай компаниясы, жанармай қоймалары, электр станциялары және бірқатар әкімшілік нысандарға бағытталған.
Куәгерлердің айтуынша, қалада бірнеше жарылыс болып, өрт шыққан. Жедел жәрдем көліктері оқиға орнына жеткізілген. Алдын ала мәлімет бойынша, қаза тапқандар бар, бірақ нақты ақпарат әзірге жарияланған жоқ.
Израильдің қорғаныс министрі Исраэль Кац әуе шабуылын растағанымен, егжей-тегжейлі түсініктеме берген жоқ. Әскери радионың хабарлауынша, операция аяқталған. Негізгі нысандардың қатарында президент сарайы, электр станциялары мен жанармай қоймалары болған.
