Футболдан Қазақстан ұлттық құрамасының ойыншысы Ислам Чесноков Шотландия чемпионатындағы алғашқы голын салды, деп хабарлайды kznews.kz.
Ислам өнер көрсететін "Хартс" клубы 28-ші турда "Фалкиркпен" кездесті. Тартысты бәсекенің бірінші таймының соңында Чесноков қарсылас қақпасына гол салды. 1:0 есебі ойын соңына дейін сақталып, "Хартс" футбол клубы турнир кестесін бастады. Әйгілі "Селтик" пен "Рейнджерс" болса 2 және 3 сатыға жайғасты.
Естеріңізге сала кетейік 5 апта бұрын Ислам Чесноков қазақстандық "Тобыл" футбол клубынан ауысқан болатын. Ол бұған дейін "Хартс" сапында 2 ойын өткізді.