"АҚШ пен Ұлыбританиядағы сияқты Канадада боксты сүйеді. Бокс кештерінде адам көп жиналады. Оның үстіне канадалық жанкүйерлердің ерекшелігі бар, олар барлық жекпе-жектерді тамашалайды. Андеркартқа қызығушылық басты жекпе-жектікімен бірдей. Барлығы андеркарт қатысушылар тізімімен мұқият танысады. Барлығында сүйікті проспектілері бар. Оған қазақстандықтар да кіреді.
Олардың ішінде ең танымалы Жүкембаев. Бұл боксшының жанкүйері аз емес. Жекпе-жектен кейін ол жанкүйерлермен бірге суретке түседі және қолтаңбасын таратады. Ахмедов те елдің қызығушылығын оятып жүр. Қазақстандық жас боксшы төрт жекпе-жек қана өткізді, дегенмен, канадалықтардың сүйіктісіне айналып үлгерді. Бұл жігіттердің болашағы зор деген ойдамын", - деп атап өтті Поулин.
Жүкембаев 6 қазанда мексикалық Патрисио Мореноны (20-3, 14 КО) нокаутқа түсірген, ал Ахмедов өзге латынамерикалықты Хесус Хавьер Мендозаны (7-6-1, 6 КО) жеңген.
Екі боксшы да жекпе-жектерін Канадада өткізді. Бұл екі боксшының және өзге де қазақстандықтар Абылайхан Құсаинов (9-0, 6 КО) пен Нұрзат Сабыровтың (7-0, 6 КО) ісін жергілікті Eye of the Tiger Management компаниясы жүргізеді.
