Маңғыстау облысында жол апатынан кейін тұрғындар тегін йогурт алып қалды. Оқиға 7 желтоқсанда Бейнеу – Боранқұл тасжолында болған, деп хабарлайды kznews.kz.
Көктайғақ салдарынан йогурт тиелген Scania маркалы жүк көлігі жолдан шығып, аударылып қалған. Жүргізуші жағдайды тұрғындарға хабарлап, бүлінбеген тауарды тегін таратып берген.
Полиция жол-көлік оқиғасының тіркелгенін растады. Абырой болғанда, апат салдарынан ешкім зардап шекпеген. Алайда жол қозғалысы ережесін бұзғаны үшін жүк көлігінің жүргізушісіне 20 айлық есептік көрсеткішмөлшерінде, яғни 78 640 теңге айыппұл салынған.
Оқиға орнынан түсірілген видеолар әлеуметтік желіде тез таралып, көпшіліктің назарын аударды.
