23 желтоқсан, 2025
Танымал актер, "Рэкетир" фильміндегі рөлі арқылы кеңінен танылған Мұрат Бисембиннің денсаулығы күрт нашарлады. Бұл туралы өнер иесінің қызы әлеуметтік желідегі парақшасында хабарлаған, деп жазады kznews.kz.
Жақындарының айтуынша, актер инсульт алып, шұғыл түрде ауруханаға жеткізілген. Қазіргі уақытта Мұрат Бисембин дәрігерлердің тұрақты бақылауында, оған қажетті медициналық көмек көрсетіліп жатыр.
Актердің жағдайы әріптестері мен өнердегі серіктерін де алаңдатпай қоймады. Белгілі актерлер Жан Байжанбаев пен Саят Исембаев әлеуметтік желіде жазба жариялап, Мұрат Бисембинге қолдау білдіріп, қаржылай көмек сұрады. Олар тиісті реквизиттерді де көпшілікке бөлісті.
Өнерсүйер қауым мен әріптестері актердің тезірек сауығып кетуін тілеп, қолдау білдіруде.
