Бүгін, 16:37
Индонезияда ұсталған Сұлтан Сәрсемалиевтен бірнеше төлқұжат, банк карталары, ұялы телефондар және жеке құжаттар тәркіленді, деп хабарлайды kznews.kz.
Жангелдин ауылында із-түзсіз жоғалған отбасы мүшелеріне тиесілі болуы мүмкін. Қазір құжаттардың нақты иесі анықталып, олардың Мирамгүл мен Наурыз есімдерімен байланысы тексерілуде.
Отбасы жоғалғаннан кейін Наурыз мессенджер арқылы хабарласып, анасына шұғыл ем қажет екенін айтып, малды сатып, қаражатты Насип Үтешқалиева атына рәсімделген банк картасына аударуды сұраған. Әлеуметтік желіде өзін «хакермін» деп таныстырған адам Наурыздың телефоны белгілі бір уақытта Өзбекстан мен Индонезияда тіркелгенін, ал марқұм әйелдің картасынан зейнетақы алынғанын мәлімдеген. Алайда бұл ақпарат ресми расталған жоқ.
Белгілі болғандай, Ақбаян мен оның жұбайы 2–5 қараша аралығында Жангелдин ауылында болған. Әлеуметтік желіде Индонезия полициясындағы кадрлар тарады, онда Ақбаян түсініктеме бермей отырғаны көрінеді.
Қазір бес бала мемлекет қамқорлығына алынған, оларға әжесі барып тұрады. Сұлтан мен Ақбаянды Қазақстанға экстрадициялау мәселесі қарастырылып жатыр. Тергеу жалғасуда.
