Бүгін, 19:33
Нұрлан имам марқұм жатқан бөлмеде 40 күн бойы шырақ жағып қоюдың діни тұрғыдан міндет емес екенін айтты, деп хабарлайды kznews.kz.
Имамның сөзінше, мұндай әрекеттің марқұмға пайдасы жоқ және ол исламда арнайы талап етілмейді.
– Марқұмға үйде жанып тұрған шамнан пайда жоқ. Керісінше, бұл оған күнә болуы мүмкін. Ол сізге “шам жақ” деген жоқ. “Өзің шам-шырақ болып жан, ұрпағыңмен, тәрбиеңмен пайдаңды тигіз” деді. Бұл дүниедегі жарық о дүниені жарық қылмайды. Ол шамның жарығы сол бөлменің ішінде ғана қалады, – деді Нұрлан имам.
Ол марқұмға пайда әкелетін амалдар ретінде дұға жасау, сауапты іс істеу және жақсы ұрпақ тәрбиелеу маңызды екенін атап өтті.
