16 қаңтар, 2019
Астана. 16 қаңтар. KAZISLAM – Христиан қауымына қысым көрсететін және құқықтарын төмендететін елдер рейтингі шықты. Антирейтингті Open Doors халықаралық христиандық ұйымы жариялаған.
Христиандарға қысым көрсету рейтингінде Солтүстік Корея көш бастап тұр. Айта кету керек, тізімнің басын Корея 18 жыл қатарынан алып келеді. Екінші орында христиандық шіркеу өкілдерін қудалауымен Ауғанстан, үшінші орында – Сомали тұр.
Алғашқы ондықта – Ливия, Пәкістан, Судан, Эритрея, Йемен, Иран мен Үндістан бар. The Guardian басылымының мәліметінше, сарапшылардың алаңдаушылығы өткен жылы бірнеше мемлекет антирейтингте 10 пунктке көтерілген. Мәселен, Қытай 43-орыннан 27-орынға шыққан. Алжир, ОАР, Мали мен Мавритания елдерінде де осындай көрсеткіштерге ие.
