8 қыркүйек, 2025
Оның айтуынша, әлем жаңа тарихи кезеңге қадам басты, алайда бұл дәуір адамзат үшін күрделі сынақтарға толы болмақ.
«Бұл дәуірдің барша адамзат үшін оңай болмайтыны анық. Алпауыт елдер мен халықаралық одақтар арасындағы қарама-қайшылықтардың ауқымы өсіп бара жатыр. Халықаралық қатынастағы шиеленістер мен озбырлықтың салдарынан қақтығыстар мен соғыстар белең алды. Кейбір мемлекеттердің ішкі және сыртқы саясатында ұлтшылдық күшейді. Әлем экономикасында теңгерімсіздіктер мен қайшылықтар ушыға түсті. Кейбір мемлекеттер экономикалық дамуда артта қалып, кейбір елдер жасанды интеллект саласында теңдессіз табысқа жетуде», — деді Мемлекет басшысы.
