21 желтоқсан, 2018
Америкалық кинорежиссёр және «Жұлдыздар айқасы», «Индиана Джонс» фильмдерінің продюсері Джордж Лукас Forbes журналындағы ең бай танымал адамдардың тізімін бастады.
Лукастың байлығы 5,4 млрд долларды құрап отыр. Негізгі табысты Lucasfilm Ltd компаниясын сату арқылы тапты. Екінші орында Лукастың әріптесі Стивен Спилберг тұр. Оның байлығы 3,7 млрд доллар болды. Үшінші орынды тележүргізуші Опра Уинфри 2,8 млрд доллармен толтырды.
Әрі қарай баскетболшы Майкл Джордан (1,7 млрд доллар), тізімге бесінші болып Кардашьян отбасының мүшесі – модель Кайли Дженнер жайғасты. Ол косметика сату арқылы табыс тапты. Кайли тарихтағы ең жас миллиардер қыз болуы да мүмкін. Әзірге оған миллиард жинау үшін 100 млн доллар жетпей тұр.
Дереккөз: Baq.kz
