29 қараша, 2018
"Алматы аруы-2017" атанған Сәбина Әзімбаева "Ғаламшар аруы-2018" сұлулық байқауына қатысу үшін Таиландқа аттанды. Бұл туралы "ҚазАқпарат"-қа сілтеме жасаған NUR.KZ хабарлайды.
Өткен аптада Алматы қаласында өткен баспасөз конференциясында Халықаралық бизнес университетінің (UIB) студенті, "Алматы аруы-2017" атанған Сәбина Әзімбаева өзінің сән жолындағы жетістіктері мен "Алматы аруы" байқауына қатысқаны туралы, алдағы сайыстарға дайындығы туралы айтқан еді.
Сондай-ақ, алматылық ару байқауға киетін киімдерін де көрсетті. Ол халықаралық сұлулық сайысында 27 көйлек киеді.
Бойжеткен ақтық сынға бұрынғы үміткерлер секілді ұлттық киім емес, мемлекеттік рәміз бейнеленген костюммен шығады.
