29 желтоқсан, 2018
Үндістанда ер адам екі көзінен қан аралас жас ағуына байланысты аурухана мамандарының көмегіне жүгінген.
22 жастағы ер адам Үндістанның Порт-Блэр қаласында орналасқан медициналық институтқа келген. Оның көздерінен екі рет қанды жас аққан соң, үндіс дәрігерлердің көмегіне жүгінген. Қан ағуы мен тоқтауы еш себепсіз күрт орын алған. Мамандар көптеген тестілер мен зерттеулер жүргізіп, ер адамның толық сау екеніне көз жеткізген. Негізінен, қанның ұюы мен капилляр беріктігі тексерілген, деп хабарлайды baq.kz.
Нәтижесінде, оған «гемолакрия» деген лиагноз қойылған. Бұл жас қанмен араласып ағатын өте сирек кездесетін жағдай. Нақты себебі анықталмаған.
