Бүгін, 23:15
Әлемге танымал өнер жұлдызы Энрике Иглесиас Қазақстанда екі концерт өткізетін болды, деп хабарлайды kznews.kz.
3 қыркүйек күні елордадағы "Астана-Аренада", ал 5 қыркүйек күні Алматының Орталық стадионында өнер көрсетеді. Билеттер 7 наурыздан бастап сатылымға шығады.
Әлемдік турне аясындағы Энрикенің кез-келген концерті аншлагпен өтеді. Бұл жолы да ол Қазақстанда стадиондағы шоуын көрсетеді. Ұйымдастырушылардың хабарлауынша концертке тек қана қазақстандықтар емес, алыс-жақын шетелден көптеген қонақтар келеді деп күтілуде.
Энрике Иглесиас тыңдарманға Bailando, Hero, Escape және I Like It секілді әлемдік хиттерін ұсынады.
Естеріңізге сала кетейік өткен жылы Дженнифер Лопес пен Backstreet Boys ұжымы келіп, Алматы мен Астанада бұрын соңды болмаған концерттерін берген болатын.
