Владивостоктың танымал заңгері Андрей Капустин шаш трансплантациясы операциясы кезінде қайтыс болды, деп хабарлайды kznews.kz.
Алғашқы ақпаратты Baza Telegram арнасы таратқан.
Хабарламада анестезия енгізілгеннен кейін Капустиннің жағдайы күрт нашарлап, ота барысында көз жұмғаны айтылған.
Сондай-ақ, процедура кезінде клиникада бейнежазба жүргізілмегені атап өтілген. Қазір өңірдің тергеу органдары клиниканың қызметін және пациент өлімінің мән-жайын толық тексеруге кірісті.
Дереккөз мәліметіне сүйенсек, заңгер операцияға алдын ала мұқият дайындалып, оған 300 мың рубль төлеген. Қазіргі болжамдар бойынша, оның өліміне наркозға аллергиялық реакция, инсульт немесе үзіліп кеткен тромб себеп болуы мүмкін.
