Дауысты, дауыссыз дыбыстармен танысайық: 7 қаңтар 2019

Білім көздері: Сауат ашу және жазу Оқу іс-әрекетінің тақырыбы: Дауысты, дауыссыз дыбыстармен танысайық. Оқу іс-әрекетінің мақсаты: Балаларға дауысты және дауыссыз дыбыстардың айтылу ерекшелігі туралы түсінік беру. Жаттығулар орындату арқылы дауысты дыбыс туралы білімдерін жетілдіру. Балалардың сөйлеу тілін, сөздік қорларын байыту, жалпы ой-өрісін дамыту, байқағыштыққа тәрбиелеу. Көрнекілігі: кестелер, кеспе әріптер, суреттер, үлестірмелі материалдар.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Ұйымдастыру

Балалар шеңбер бойына тұрып, бір-біріне жылы лебіздерін білдіреді.

Негізгі бөлім.

Дауысты дыбыс туралы түсінік беру. Кесте пайдалану арқылы дауысты дыбыстармен таныстыру: а, ә, и, о, ө, е, у, ұ, ү, ы, і, ю, э, я. Дауысты дыбыстар еш кедергісіз, еркін айтылады. Созып, әндетіп айтуға болады. Мысалы: а-а-а, ә-ә-ә, о-о-о т.с.с. Суреттерді көрсету. Балалар суреттерді атап, сөздерді буынға бөледі. Ол сөздерде кездесетін дауысты дыбыстарды тауып, олардың айтылу ерекшелігін ажыратады.

кө-бе-лек о-рын-дық үй-рек кі-тап ба-лық Неше дауысты дыбыс болса, сонша рет қол шапалақтайды. Сергіту сәті. Орнымыздан тұрайық, Қолды белге қоялық. Біротырып, бір тұрып, Біз тынығып алайық! «Ұйқасын тап» дидактикалық ойыны. Орыннан орынға ауысқан, Ұшқалақ қара ала ..... (сауысқан) Бәрі бірдей жұмысқа Шығады кім? (құмырсқа). Әліппе дәптермен жұмыс. а) Берілген суреттер бойынша дауысты, дауыссыз дыбыстарды төртбұрыштардың ішіне белгілерін (қызыл – дауысты дыбыс, көк – дауыссыз дыбыс) салады. әке ана бала қамшы торсық

ә) Кестенің ішіне жетпей тұрған төртбұрыштың суретін салып, оны бояу.

Балалардың өздеріне сөз құрату. Балалар сөз құрайды. Қимылмен көрсетеді. Ұйқасын табады. (сауысқан) (құмырсқа). Дәптердегі тапсырмаларды орындайды.

Қорытынды

Дауысты және дауыссыз дыбыстар туралы алған білімдері бойынша сұрақтар қойылады.Балалардың жауаптарын толықтырып отыру керек.

Балалар алдымен дыбыстардан сөз құрап, сосын сол сөздерден сөйлем құрау арқылы сабақ қорытындылады.

Күтілетін нәтиже: Білуі тиіс: Дыбыстардың дауысты және дауыссыз болып бөлінетіндігін біледі. Көрсете білу: Дыбыстарды ауызекі тілде ажырата біледі.