Далада жүрген балаларды онлайн бақылау жүйесі енгізіледі
25.01.2021
14:41
0
7
Биыл ішкі істер министрлігі балалардың қауіпсіздігіне арналған жаңа жүйені сынақтан өткізіп көрмек. Бұл туралы ішкі істер министрлігінің ресми өкілі Нұрділдә Ораз мәлімдеді, деп хабарлайды Sputnik Қазақстан тілшісі.
"Пилоттық жобалардың бірі – балалардың қауіпсіздігіне арналған "Мені тап" жүйесі. Соның арқасында баланың қайда жүргенін анықтауға болады", - деді Ораз онлайн брифингте.
Оның айтуынша, жаңа жүйе мобильді қосымша ретінде смартфонға орнатылады. Bluetooth желісі арқылы арнайы трекерлермен байланыс жасап отырады.
"Трекерді баланың киіміне, я болмаса, мектеп сөмкесіне орнатып қоюға болады. Ұялы телефоны сөніп тұрған жағдайда немесе байланыс істемегенде мобильді қосымшаны іске қосып, Bluetooth желісі арқылы трекерді анықтауға мүмкіндік бар", - деп атап көрсетті Ораз.
Бұдан бөлек, жаңа жүйе шұғыл басқару орталығына да қосылады. Осылайша, ата-ананың баланы іздеп жатқаны туралы мәлімет бірден полицияға түседі.
(0)
Бұл жерде әлі ештеңе жоқ
