30 қаңтар, 2019
Астана. 30 қаңтар. KAZISLAM – Шабуылға жанкешті-әйелдерді жиі қолданатын ДАИШ террористік ұйымының содырларына қарсы күрес аяқталуға жақын. Бұл туралы Сирия Демократиялық күштердің басшысы Маслум Кобани хабарлады, деп жазады Kronen Zeitung.
Басылым мәліметінше, содырлар «халифаты» күйреуге жақын. Маслум Кобани жиһадшылар ауданы кішірейіп келе жатқанын мәлімдеді. ДАИШ содырлары әскерилердің шабуылдарынан күн өткен сайын кейін шегініп, жерасты туннелдеріне бой тасалана бастады. Террористер көп жағдайда шабуылдарға жанкешті-әйелдерді жиі қолданады екен.
Кобанидің айтуынша, содырлар территориясы тарылған. Еске салсақ, бұған дейін АҚШ Сирияға Әбу Бәкір әл-Бағдадидің көзін жою үшін арнайы отряд жібергені туралы мәлімдеді.
