Бүгін, 18:43
Мәскеуде букмекерлік кеңседе жас жігіт өз-өзіне қол жұмсамақ болды, деп хабарлайды kznews.kz 112 telegram-арнасына сілтеме жасап.
25 жастағы Александр (аты өзгертілген) ставкаларға ақша тігіп, шамамен 200–300 мың рубль жоғалтқан. Осыдан кейін қатты күйзеліске түскен ол букмекерлік кеңсенің дәретханасына кіріп, ішінен құлыптап алған және өз-өзіне қол жұмсауға әрекет жасаған. Ол мойны мен кеуде тұсына бірнеше рет пышақ жарақатын салған.
Ұзақ уақыт бойы одан хабар болмаған соң, қызметкерлер есікті бұзып кірген. Ішке кірген кезде олар қансырап жатқан жігітті көрген. Дәрігерлер жеткенше, келушілер мен қызметкерлер оған алғашқы медициналық көмек көрсеткен.
Жігіт шұғыл түрде ауруханаға жеткізілді. Қазіргі таңда дәрігерлер оның өмірі үшін күресіп жатыр.
