Бүгін, 13:22
Премьер-министрдің орынбасары Қанат Бозымбаев Алатау қаласын басқаруы мүмкін мамандарға қатысты пікір айтты, деп хабарлайды kznews.kz.
Бүгін Парламент палаталарының бірлескен отырысынан кейінгі баспасөз мәслихатында: «Қанат Алдабергенұлы, Алатау қаласындағы жобалардың басы-қасында жүрсіз. Болашақта осы Alatau city „ақылды қаланың“ әкімі болуыңыз мүмкін бе?» деген сұрақ қойылды.
Өз кезегінде Қ. Бозымбаев мұндай болжамнан хабарсыз екенін айтты.
— Мен осыған дейін өңірлерде үш рет әкім болдым. Жалпы, жастарға жол беру керек деп санаймын, — деді Премьер-министрдің орынбасары.
Бұдан бұрын хабарланғандай, бүгін елордада Парламент палаталарының бірлескен отырысы өтіп, «Алатау қаласының арнаулы мәртебесі туралы» Қазақстан Республикасы Конституциялық заңының жобасы қаралды.
