Бүгін, 08:25
Алматы облысы аумағындағы Боралдай кентінде пойыз бен қоғамдық көлік қағысып қалды, деп хабарлайды kznews.kz.
Оқиға теміржол өткелінде болған. Тиым салынған дыбыстық белгіге қарамастан жолдан өтпек болған автобусты пойыз соғып өткен. Оқиға салдарынан алты адам әртүрлі деңгейде жарақат алды.
- Жол-көлік оқиғасы Алматы – Боралдай – Шамалған станциясы бағытындағы учаскеде болған. Алдын ала мәлімет бойынша, пойыз өткел арқылы өтіп бара жатқан кезде маршруттық автобус жүргізушісі жол бермей, соқтығыс орын алған. Апат салдарынан алты адам жарақат алып, ауруханаға жеткізілді, - деп хабарлайды Алматы облысының полициясы.
Құзырлы орган оқиғаның мән-жайын анықтап, тексеру жұмыстарын жүргізіп жатыр.
