10 желтоқсан, 2018
2018 жылғы 9 желтоқсан 15:23 43
АСТАНА. ҚазАқпарат - Қазақстан бокс федерациясы 2018 жылдың үздік боксшыларын марапаттады, деп хабарлайды ҚазАқпарат Қазақстан ҰОК баспасөз қызметіне сілтеме жасап.
Еліміздің бес дүркін чемпионы әрі Президент кубогының жеңімпазы Теміртас Жүсіпов 2018 жылдың үздік боксшысы атанды.
Үздік жас боксшы атағы ағайынды Айбек және Нұрбек Оралбайларға бұйырды. Айбек Жасөспірімдер Олимпиадасында жеңімпаз атанса, Нұрбек жастар арасындағы әлем чемпионы болды.
Қыздар арасында еліміздің үздік спортшылары атағын жасөспірімдер Олимпиадасының қола жүлдегері Надежда Рябец пен Азия және әлем чемпионы Дина Исламбек иеленді.
Үздік бапкер атағы жастар құрамасының аға бапкері Ғалымбек Кенжебаев пен ағайынды Оралбайлардың жеке бапкері Асқар Еркебаевқа берілді.
Жылдың үздік аймақтық федерациясы атағын Астана қалалық бокс федерациясы иеленді.
Сондай-ақ, Қазақстан боксының дамуына үлес қосқан ардагерлер мен төрешілер алғыс хаттармен марапатталды.
