Батыс Қазақстан облысында құрылыс нысандарының бірінде мұнаралы кран құлап, салдарынан бір адам қаза тапты, деп хабарлайды kznews.kz.
Қайғылы жағдай Мичурино ауылында таңғы сағат 10:00 шамасында болған. Полиция департаментінің мәліметінше, көпқабатты тұрғын үй салынып жатқан құрылыс алаңында мұнаралы кран кенеттен құлаған.
Апат салдарынан кран машинисі ауыр жарақат алып, оқиға орнында көз жұмды.
Қазіргі уақытта оқиғаның мән-жайы мен кранның құлау себептері анықталып жатыр.