Бүгін, 16:32
Қаржылық мониторинг агенттігі блогер Эльмира Төлегенованың сот барысында айтқан қысым туралы мәлімдемесіне қатысты түсініктеме берді, деп хабарлайды kznews.kz.
Еске сала кетейік, 14 сәуірде өткен сот отырысында Төлегенова тергеу кезінде өзіне және жұбайына қысым жасалғанын айтқан. Сондай-ақ ол тергеуші тарапынан сайт әзірлеушісінен 15 миллион теңге талап етілгенін мәлімдеген еді.
Алайда агенттік бұл ақпаратты жоққа шығарды. ҚМА мәліметінше:
“Күдіктілер Е.Жанабылов пен Э.Төлегенова тергеу әрекетіне қорғаушысымен ғана қатысты. Сотқа дейінгі тергеп-тексеру барысында және қылмыстық іс материалдарымен танысу кезінде аталған тұлғалардан қысым көрсету, қорқыту және ықтимал бопсалау туралы агенттікке, прокуратура органдарына немесе сотқа ешқандай өтініш түскен жоқ”.
Ведомство өкілдері тергеу барысында заң талаптары сақталғанын атап өтті.
