15 қараша, 2025
Футболдан Қазақстан ұлттық құрамасы 2026 жылғы Әлем біріншілігіне іріктеу аясында Бельгиямен 1:1 есебімен тең ойнады. Бұл туралы Kznews порталы хабарлайды.
Қазақстан әлемдік мундиалға барудан үмітін үзсе де өзінің топтағы соңғы ойынына аса жауапкершілікпен келді. Еуропаның азулы құрамалырының біріне баланатын Бельгия бұл ойынды жеңген жағдайда уақытынан бұрын жолдамаға қол жеткізер еді.
Алайда, бельгиялықтар тіпті жеңіліп қалуы да мүмкін еді. Ойынның алғашқы таймнда қазақстандық жас талант Дастан Сәтпаев гол соғып есеп ашты. Бұл Дастанның ұлттық құрама сапындағы алғашқы голы. Ол Қазақстан футбол тарихындағы гол салған ең жас футболшы атанды.
Бірінші таймда сондай-ақ Ғалымжан Кенжебек те оқтын оқтын шабуыл жасап, бірнеше мәрте қақпаға әдемі соққы жасай білді. Ал қақпашы Темірлан Анарбеков 90 минут бойы қақпасын қорғап, ерлік көрсетті. Оның бірнеше сейві ойынның тағдырын шешті десек те болады.
Бұл жолы Қазақстан құрамасы қорғанысқа жатып алмай, шабуылға көңіл бөлді. Алғашқы таймда-ақ мұның нәтижесі оң болғанына куә болдық.
– Біз қарсыластан бір елі кем ойнамадық, тіпті бір бас артық болдық десек те болады. Дәл осылай Македония мен Уэльске қарсы ойнадық, алайда ол матчта біз өз мүмкіндіктерімізді голға айналдыра алмадық. Бізге көп жаттығу керек, шабуылымызды голға айналдыруды басты мақсатымыз, – дейді ұлттық құрама ойыншысы Максим Самородов.
Айта кетейік, Қазақстан осы іріктеу кезеңінде 8 ұпаймен өз тобында төртінші орынға орналасты.
Қазақстан – Бельгия 1:1
Голдар: Сәтпаев (9), Ванакен (48)
Қызыл қағаз: Чесноков (79)
