2 мамыр, 2025
Бүгін, 2 мамырда, Астананың Қылмыстық істер жөніндегі ауданаралық сотында Мәдениет және спорт вице-министрі Ерлан Қожағапановқа қатысты істегі соттық тергеу аяқталды, деп хабарлайды kznews.kz сайты Ulysmedia.kz порталына сілтеме жасап.
Процесс төрағалық етіп жатқан судья Қанат Тобагалиұлы тергеудің аяқталғанын жариялады. Енді тараптар жарыссөзге көшеді.
– Сот тергеуі аяқталды деп жариялаймын, – деді судья.
Бұрынғы вице-министрдің қорғаушылары тағы да қамауда отырған шенеунікті үйқамаққа ауыстыруды сұрады. Алайда судья бұл өтінішті қанағаттандырмады.
