Атырау облысындағы Жангелдин ауылында төрт адамның өліміне қатысты айып тағылған Сұлтан Сәрсемәлиевтің ісі бойынша сот отырыстары жалғасып жатыр, деп хабарлайды kznews.kz.
Осы аралықта оның бұрынғы жұбайы, сондай-ақ марқұмдардың қызы және қарындасы Ақбаян Мұқанғалиеваның психикалық жағдайына қатысты нақты қорытынды әлі жарияланған жоқ
Ақбаян Мұқанғалиева бастапқыда Атырау қаласында тексеруден өтіп, кейін Алматыдағы стационарлық кешенді сот-психологиялық және психиатриялық сараптамаға жолданған. Дегенмен жүргізілген зерттеулерден кейін де мамандар біржақты шешім шығармаған. Атырау облысы прокуратурасының мәліметінше, сарапшылар әйелдің жағдайын әрі қарай бақылап, қосымша диагностикалық жұмыстар жүргізуді ұсынған.