5 шілде, 2019
Қысқа сілтеме алу
Алматы қаласының әкімі болып тағайындалған Бақытжан Сағынтаев тағы бір жаңа лауазымға сайланды
НҰР-СҰЛТАН, 5 шілде — Sputnik. Бақытжан Сағынтаев Nur Otan партияcы активінің бірауыздан қолдауымен қалалық партия филиалының төрағасы болып сайланды, деп хабарлады партияның баспасөз қызметі.
Nur Otan партиясы төрағасының бірінші орынбасары Бауыржан Байбек жұмыс сапарымен Алматы қаласына барды.
"Біздің басты міндет – халықтың сенімін күшейту. Өйткені біз халықтың партиясымыз. Сондықтан біз саннан сапаға басымдық беріп, партия қатарында белсенді түрде "тазалау" жұмыстарын жүргіземіз", – деді партия төрағасының бірінші орынбасары.
Жиын барысында таяуда ғана Алматы қаласының әкімі болып тағайындалған Бақытжан Сағынтаев партия активінің бірауыздан қолдауымен қалалық партия филиалының төрағасы болып сайланды.
sputniknews.kz
