Астанада әйел адам баласын балабақшаға орналастыра алмай жүрген ата-аналардың ақшасын жинап алып, алаяқтық іске барған, деп хабарлайды kznews.kz
Оларға өзі хабарласып, таныстары арқылы балабақшаға орналастырып беретінін айтып сендірген. Оның сөзіне 9 адам сеніп, жалпы сомасы 590 мың теңге берген.
«Сот үкімімен оған 4 жыл мерзімге бас бостандығынан айыру түріндегі жаза тағайындалды. Жәбірленушілердің азаматтық талаптары қанағаттандырылды», – делінген прокуратура хабарламасында.
Прокурорлар мұндай жағдайда барынша сақ болу керектігін, балабақшаларға орын бөлу мәселесі бойынша тек ресми порталдар мен уәкілетті мемлекеттік органдар арқылы жүгіну қажеттігін ескертті.