Солтүстік Қазақстан облысының полиция департаменті Тепличное ауылында 10 жастағы баланың квадроцикл айдап жүргені үшін оның әкесіне не себепті әкімшілік жаза қолданылғанын түсіндірді, деп хабарлайды kznews.kz сайты cmn.kz порталына сілтеме жасап.
Желіде тараған бейнежазбада бала су тасқынына қарсы бөгетті бекіту жұмысына қатысып жүргені көрсетілген. Көпшілік бұл әрекетті оң бағалап, баланың белсенділігі мен жауапкершілігін мақтаған. Алайда тәртіп сақшылары бұл жағдайдан заң бұзушылық анықтаған.
«Баланың көмектескісі келгенін түсінеміз. Бірақ мұндай әрекеттер заңға қайшы келеді және баланың өзіне де, айналасындағыларға да қауіп төндіреді. Соңы қайғылы оқиғаға әкелуі мүмкін», – деді облыстық жергілікті полиция қызметі басқармасының басшысы Әлібек Ғабдуллин.
