Азия ойындарының жүлдегерлері мен қатысушылары Алматыға оралды

Ұлттық құрамамен бірге Алматыға Азия ойындарының алматылық жүлдегерлері де оралды, деп хабарлайды kznews.kz.

Ауыр атлетикадан 77 келіге дейінгі салмақ дәрежесінде Аянат Жұмағали және спорттық жүрістен жартылай марафонда Кристина Морозова күміс медаль жеңіп алды. Ал кураштан 81 келіге дейінгі салмақ дәрежесінде Әділет Ахметғали қола жүлдегер атанды.

Сондай-ақ, Алматыға спорттық жүрістен марафонда Қазақстан ұлттық құрамасының сапында өнер көрсеткен алматылық спортшы Ясмина Тоқсанбаева оралды. Олармен бірге Қазақстанның жеңіл атлетикадан ұлттық құрамасының өкілдері, соның ішінде Азия ойындарының күміс жүлдегерлері Кристина Овчинникова мен Нора Джеруто Тануи да келді.

Азия ойындарының қатысушылары мен жүлдегерлерін қарсы алуға Алматы қаласы Спорт басқармасының басшысы, спорт қауымдастығының өкілдері, жаттықтырушылар, спортшылардың туған-туыстары мен жақындары, сондай-ақ көптеген жанкүйер жиналды. Көпшілік спортшыларды ыстық ықыласпен қарсы алып, жүлдегерлерді жеңіп алған медальдарымен құттықтады.

Айта кетейік, Жапонияда XX жазғы Азия ойындары әлі жалғасып жатыр.