Танымал әнші әрі актриса Ақбота-Нұр Абайқызы Жаңа жыл қарсаңында Ақшақар бейнесінде фотосессия жасап, әлеуметтік желіде қызу талқыға түсті, деп хабарлайды kznews.kz.
Өнер иесі түсірілім сәттерінен видеоны жеке парақшасына жүктеп, оқырмандарымен бөліскен. Кадрлар желіде кеңінен таралып, көпшіліктің назарын аударды.
Желі қолданушыларының пікірі екіге жарылды. Бірі әншінің образын қолдап, батыл стилін жоғары бағаласа, енді бірі бұл бейнені орынсыз деп санап, сын айтты.
Пікірлер арасында: «Сұлулықта шек жоқ», «Әдемі образ», «Киім біртіндеп ашық бола бастады», «Азғыратын Ақшақар болып бара жатыр», «Ерсі көрінеді», «Бұрынғы бейнесі ұнайтын» деген секілді жазбалар жиі кездеседі.
Осылайша Ақбота-Нұрдың жаңа образы желіде қызу пікірталас тудырып, көпшілік назарында қалды.
