20 наурыз, 2025
Олар жүргізушілерге жылдамдықты асырмаңыздар деп үндеу тастады
Түркістан облысының полиция департаменті жол апаттарының санын азайту үшін әншілер мен әртістерді жұмысқа тартқан көрінеді, деп хабарлайды Azattyq Rýhy.
Полицияның баспасөз қызметі мәлім еткендей, әншілер мен әртістер жүргізушілерге видеоүндеу арнаған.
«Қазақстанның еңбек сіңірген қайраткері Азамат Сатыбалды және үздік актер Дулыға Ақмолда, актер әрі тележүргізуші Қайрат Әділгерей, әнші Әли Оқапов және басқа да танымал жұлдыздар патрульдік полициямен бірігіп, азаматтарды жол қозғалысы ережелерін сақтауға шақырды. Акция барысында Түркістан облысы полиция департаменті патрульдік полиция батальонының командирі Қанат Болатұлы мен оның орынбасары Ержан Сабитханұлы жолға шықты», - деп хабарлайды ПД баспасөз қызметі.
