Оның айтуынша, Амина жас болғандықтан, бұл жаста хиджаб кию міндетті емес.
«Ертең шешіп тастаймын десе, ешқандай мәселе туындамайды. Мен әрқашан оған "құндылығыңды ешкімге дәлелдеудің қажеті жоқ" деп айтамын. Хиджаб – қысым емес, Аллаға деген махаббат пен өзін құрметтеу. Мен мұны жылдар өткен соң түсіндім, ал қызым бұл қадамға ертерек әрі шынайы түрде келді. Тек оның жолы жеңіл болсын деп тілеймін», – деді Меденова.
Айта кетейік, Айдана Меденова бір кездері Баян Мақсатқызының продюсерлігіндегі «КешYou» тобында ән салған. Кейін дін жолына бет бұрып, өнерден кеткен.
