Бүгін, 15:01
Мемлекет басшысы Қасым-Жомарт Тоқаев Атырау облысының әкімі Болат Ақшолақовты қабылдап, өңірдің әлеуметтік-экономикалық дамуы мен алдағы кезеңге арналған басым міндеттерді талқылады, деп хабарлайды kznews.kz.
Кездесу барысында Президентке облыста жүзеге асырылып жатқан ірі инвестициялық жобалар, мұнай-газ химиясы саласының дамуы, әлеуметтік және инженерлік инфрақұрылым нысандарының құрылысы жөнінде есеп берілді.
Сондай-ақ экономиканы әртараптандыру, инженерлік желілерді жаңғырту, көлік инфрақұрылымын жетілдіру, өңірдің экологиялық жағдайын жақсарту және республикалық деңгейде қолдауды қажет ететін жобаларды іске асыру мәселелері қаралды.
Кездесу қорытындысында Мемлекет басшысы Атырау облысының тұрақты әлеуметтік-экономикалық дамуын қамтамасыз ету, өңірдің инвестициялық әлеуетін күшейту және халықтың тұрмыс сапасын арттыруға бағытталған бірқатар нақты тапсырма берді.
