Бүгін, 09:02
Атырау облысында ұшқышсыз ұшу құрылғысының қалдықтарына ұқсайтын заттар табылғаны белгілі болды, деп хабарлайды kznews.kz.
Өңірлік полиция департаментінің мәліметінше, аталған жағдайға байланысты тексеру шаралары қолға алынған.
Сонымен қатар, оқиға орнына тиісті уәкілетті қызметтер де жұмылдырылған.
«Атырау облысының полиция департаменті құзырлы органдармен бірлесіп, дрон бөлшектеріне ұқсас заттардың табылуына байланысты тексеріс жүргізуде. Аталған нысан елді мекеннен шалғай жерде анықталған. Қазіргі уақытта оқиғаның барлық мән-жайы жан-жақты қарастырылып жатыр», – деп хабарлады ведомство 2026 жылғы 29 наурыздағы ресми мәлімдемесінде.
